பள்ளி நிர்வாகிகளுக்கு வஹி வருகின்றதா..?! (ஊர் நடப்பு)

1434 ஹிஜ்ரி வருட நோன்புக்கு பரங்கிப்பேட்டை மக்கள் தயாராகி வரும்
வேளையில் பரங்கிப்பேட்டை இஸ்லாமிய ஐக்கிய ஜமாஅத்திலிருந்து ஒரு அறிவிப்பு வெளியிடப்படுகின்றது.

அது பள்ளியில் நோன்பு திறப்பவர்களுக்கான அறிவுரை.

எதற்காக இந்த அறிவிப்பு அறிவுரை!?

கொள்கைச் சகோதரர்கள் ஐந்து நிமிடங்கள் முன்பு நோன்பு திறக்கிறார்கள்
என்பதற்காக.

ஐந்து - பத்து நிமிடம் கழித்து நோன்பு திறப்பதால் யாருக்கும் ஒன்றும் குடி

மூழ்கிப் போய்விடாது. இதைக் கொள்கைவாதிகள் அனைவரும் அறிந்தே
வைத்துள்ளார்கள்.  இருந்தாலும் அவர்கள் ஏன் ஐந்து நிமிடங்கள் முன்பு (பிறர்
பார்வைக்கு பிடிவாதமாக) நோன்பு திறக்கிறார்கள்.

 இதை பள்ளி முத்தவல்லிகளும், அறிவிப்பு அறிவுரை செய்பவர்களும் எண்ணிப் பார்க்க
வேண்டும். (எண்ணிப் பார்க்க மறுக்கிறார்கள்)

கிட்டத்தட்ட 9 முதல் 10 மணி நேரம் நோன்பிருப்பவர்கள் ஐந்து நிமிடம்
பொறுக்க மாட்டார்களா..? நிச்சயம் பொறுப்பார்கள். ஆனாலும் ஐந்து நிமிடம்
தாமதிக்காமல் நோன்பு திறப்பதற்கு காரணம் என்ன?  அங்கு தான் கொள்கை
மீதான பிடிப்பு அடையாளமாகின்றது (நோன்பு திறப்பதை மட்டும் விரைவு
படுத்தி மற்றவற்றில் கோட்டை விடும் அபாக்கியசாலிகளைப் பற்றி நாம் இங்கு பேசவில்லை)

விரைந்து - தாமதிக்காமல் நோன்பை நிறைவு செய்யுங்கள் என்பது நபிவழி.

حدثنا عبد الله بن يوسف أخبرنا مالك عن أبي حازم عن سهل

بن سعد  أن رسول الله صلى الله عليه وسلم قال لا يزال الناس

بخير ما عجلوا الفطر

விரைந்து நோன்பு திறக்கும் காலமெல்லாம் மக்கள் நன்மையைப் பெற்றுக்  கொள்கிறார்கள் என்ற நபிமொழி யை ஏற்று, நாம் பலவீனமானவர்கள்  அல்லாஹ் சொன்னதற்காக பட்டினி கிடந்தோம். இனி நம்மால் பொறுக்க முடியாது.  உன் கட்டளையை ஏற்று  நோன்பு திறக்கிறோம் என்று நம் அடிமைத் தனத்தை வெளிபடுத்தி விரைந்து  நோன்பு திறக்க கடமைப்பட்ட முஸ்லிம்கள் அப்படியே நிறைவேற்ற  வேண்டும்.

"எனக்கு தெம்பிருக்கின்றது  நான் இன்னும் 10 நிமிடம் கழித்து நோன்பை திறப்பேன்" என்று யாராவது முடிவெடுத்தால் அது இறைநம்பிக்கையின் செயலல்ல. அது அகங்காரத்தின் வெளிபாடு. 

இந்த அகங்காரத்தை பள்ளிகள் தோரும் செய்வார்கள் அதற்கு கொள்கைவாதிகள் கட்டுப்பட்டு போக வேண்டும் என்று ஜமாஅத் அறிவுரை வேறு சொல்கின்றது.

ஜமாஅத்தின் அறிவிப்பை ஊன்றி கவனியுங்கள்.

பள்ளி நிர்வாகம் நிர்ணயிக்கும் நேரப்படி, நோன்பு திறக்க வேண்டும் என்று கூறியுள்ளார்கள்.

'சென்ற முறை நாம் கலிமா பள்ளியில் சுன்னா அடிப்படையில் நோன்பு திறந்த போது, பின்புறமிருந்து ஊரறிந்த ஒரு தலைவர் "இவர்களுக்கு வஹி வருகிறதா.. முன்பே நோன்பு திறக்க... இவர்களால் தான் ஊரில் குழப்பம் ஏற்படுகின்றது" என்று குரல் கொடுத்தார். இஸ்லாம் சொல்லியுள்ள வழியில் நோன்பை திறந்ததற்கு கண்டனத்தை பதித்தவர்,  இப்போது "பள்ளி நிர்வாகம்  நேரத்தை தீர்மானிக்கும்" என்று ஜமாஅத் கூறியுள்ளதே... "பள்ளி நிர்வாகிகளுக்கு நேரத்தை தீர்மானிக்க வஹி வருகிறதா...? என்று தனது கண்டனத்தை மீண்டும் ஒரு முறை பதிப்பாரா....

பள்ளி நிர்வாகிகளுக்கு நோன்பு திறக்கும் நேரத்தை தீர்மானிக்கும் உரிமையை யார் கொடுத்தார்கள். 

அனைத்து பள்ளி கூட்டமைப்பும் இஸ்லாமிய ஐக்கிய ஜமாஅத்தும் கைகோர்த்துக் கொண்டு ஆடும் நாடகமா இது!

குழுமத்தில் சகோதரர் முத்துராஜா பதித்துள்ள சில விளக்கங்களை இங்கு எடுத்துக் காட்டுகிறோம்.

***பள்ளி நிர்வாகத்தின் நேரத்திற்கு தான் நோன்பு திறக்க வேண்டும் என்று கட்டளை போடுவதாக இருந்தால் மற்ற ஊரில் உள்ளதுபோல் இது சுன்னத் ஜமாஅத் பள்ளிவாசல் இங்கு தொப்பி அணியாமலோ , விரலை அசைத்தோ , சத்தமாக ஆமீன் சொல்லியோ , தனி ஜமாத்தோ வைத்து தொழ கூடாது

இங்கு நான்கு மத்ஹபை சேர்ந்தவர்கள் மட்டுமே தொழ வேண்டும் என்று அணைத்து பள்ளிகளிலும் போர்டும் வைத்து விடுங்கள் ,,, சபை ஒழுக்கமாக இருக்கும்****

****ஜமாஅத் பைத்துல்மால் நிர்வாகி ஹமீது கவுஸ் கூறுகையில் :
ஜமாஅத் நிர்வாகியான எங்களிடம் கலக்காமலேயே இந்த முடிவு எடுக்கப்பட்டுள்ளது இதற்கு நாங்கள் கட்டுப்பட மாட்டோம் ,
வாத்தியாபள்ளியில் இந்த சர்குலரை ஒட்டவும் மாட்டோம் ,, இந்த சர்குலருக்கு கட்டுப்பட்டு நடக்கவும் மாட்டோம் என கூறினார் .******

சுமூகமாக அவரவர் கொள்கைப்படி தொழுகை நோன்பு ஆகியவற்றை செய்துக் கொண்டிருந்தவர்களை வம்புக்கு இழுப்பதாக அமைந்துள்ளது ஜமாஅத்தின் அறிக்கை - அறிவுரை.

முன்பிருந்த ஜமாஅத்தும் இதுபோன்ற சிலவற்றிர்க்கு கருத்து சொல்லி அதற்கு எதிர்ப்பு கிளம்பியவுடன் "மஸாயில் விஷயங்களில் இனி ஜமாஅத் தலையிடாது" என்று மக்களுக்கு அறிவித்ததாக நினைவு. 

இன்றைய இஸ்லாமிய ஐக்கிய ஜமாஅத் சிந்திக்கும் என்று நம்புவோம். .